ராணுவ முகாம் தாக்குதலில் ஈடுபட்டவர்கள் கண்டிப்பாக  தண்டிக்கப்படுவார்கள்: மோடி ஆவேசம்!

காஷ்மீரின் யூரியில் அமைந்துள்ள ராணுவ முகாம் மீது தாக்குதல் நடத்தியவர்கள் யாராக  இருந்தாலும் அவர்கள்  கண்டிப்பாக தண்டிக்கப்படுவார்கள் என்று பிரதமர் நரேந்திர மோடி உறுதியளித்துள்ளார்.

ஜம்மு காஷ்மீரின் யூரி பகுதியில் அமைந்துள்ள ராணுவ முகாமின் மீது இன்று காலை தீவிரவாதிகள் தாக்குதல் நடத்தினர். இதில் 17 ராணுவ வீரர்கள் மரணமடைந்தனர். தாக்குதல் நடத்திய 4 தீவிரவாதிகளும்  சுட்டுக் கொல்லப்பட்டனர்.

இந்த தாக்குதல் சம்பவம் குறித்து பிரதமர் மோடி தனது டிவிட்டர் பக்கத்தில் கூறியிருப்பதாவது:

யூரி ராணுவ முகாம்மீது நடத்தப்பட்ட கோழைத்தனமான தாக்குதலை நாம் கண்டிக்கிறோம். இந்த கொடும் தாக்குதலால் ஈடுபட்டவர்கள் யாராக இருந்தாலும் அவர்கள் கண்டிப்பாக தண்டிக்கப்படுவார்கள்

தாக்குதலில் உயிரிழந்த ராணுவ வீரர்களுக்கு வணக்கங்கள். தேசத்திற்கான அவர்களது சேவை என்றும் நினைவு கூரப்படும். அவர்களது குடும்பத்தாருக்கு என்னுடைய அனுதாபங்கள்

இவ்வாறு அவரது டிவிட்டர்  செய்தியில்  தெரிவிக்கப்பட்டிருந்தது.